2008年3月5日,系一个天阴有雨嘅好日子,係果日,我同而家果D同学一齐去佐肇庆玩,今次系我第一次去其他D市度玩架,分别去佐将军山,养生园,健生园,小长城同埋肇庆最出名既裹蒸粽作坊,好好玩吖.
朝早7点半,我地开始係广州出发,去到将军山果阵,好大雾,感觉好舒适,但系果个山就比白云山仲难爬好几倍.因为空气潮湿,氧气唔系几够,爬既过程中个个都喘晒大气,而且果D梯级又难爬到鬼咁,未爬到一半,我都就已经累到剩番半条命..唉,平时少运动真系阴功咯.呵呵,我觉得如果唔系咁大雾噶话会易爬D咯,不过哩D都只不过系个小插曲,最后我哋都顺利登顶.啱啱上到果阵,真系好开心,因为哩次爬山系我最辛苦噶一次架,所以到顶后有一种成功噶感觉,而大家哩几日既果D唔开心既嘢,起果个时候全部都唔记得晒,感觉好好!!
我哋上到山顶果阵,山顶既能见度唔到十米,好大雾吖,大家都觉得好似入佐仙境咁,而且又有个塔係上面,感觉更加逼真.果座塔建係山顶一间好大嘅财神庙入边,庙里边有晒世界各地所有既财神,咩福禄寿禧,文武财神,千手观音果D咧..而且我仲了解到我自己嘅守护财神叫青财神,不过就唔记得佢守护既系我D乜嘢,呵呵,不过讲真,我都冇拜佢,知唔知点解??因为导游话唔使拜咯,话佢唔使你去拜都会守护住你涡..哎,事但啦,拜又得,唔拜都得,都系一个动作姐!!呵呵,不过就冇求爱情运既神涡,有噶话我实会拜你啦,D人都唔识做生意既,要为D后生仔着想下至得噶嘛,你话系唔系嘞???睇到呢度都唔出声即系默认话系噶啦!!唉,做人既嘢系衰就要认吖,周星驰讲噶涡,,呵呵 !!
我地仲去佐养生园睇果D人工种既灵芝,原来果D所谓嘅灵芝,就系係条木头度生出来架,能够生出咁有价值嘅药材,哩条木头都算冇得顶咯..睇完灵芝后,仲有专人讲解灵芝鉴定方法同有灵芝汤饮添,免费噶.跟住去健生园啦,果度有梅花鹿睇,我仲摸佐个梅花鹿.不过摸完后班主任话个鹿好臭,哇,鬼整你咩,我只手即刻以迅雷不及"掩耳盗铃"既速度从果只梅花鹿身上撤退,走人...不过又有专人讲解点样鉴别鹿茸同有鹿茸汤饮涡,又系免费添,唔知我有冇饮倒头先我摸既果只鹿既鹿茸咧,我经过头先果度走果阵,隐约闻倒D烧焦味,一时间觉得阴风阵阵咁,好似头先只鹿一直係度望住我,好彩我冇当场扑街姐,如果有噶话果只鹿眯好心凉..不过如果我扑街果阵果只鹿开心过度而死鬼埋,咁就大件事嘞......呵呵,晒命ing.......
我哋又去佐睇肇庆市区入面既果条宋朝城墙,一过就同普通嘅城墙冇乜分别,因为修葺过,所以原貌已去,冇乜特别..最后去佐裹蒸粽作坊参观,仲买佐几只番来食,不但睇倒佢哋整粽嘅过程,而且又增长佐D见识,又有得食,真系大饱眼福之余,口福都唔会冷落嘅,而且果D粽真系几好食架!!!
今次去肇庆,觉得果度嘅风景好好,空气好好,真系如果可以,我都想係果度住吖.
|
|
